Нешто повеќе за хигиената

Хигиената е од големо значење за здравјето. И покрај тоа што се грижиме хигиената да биде на високо ниво, сепак хигиенските навики се многу полоши отколку што мислиме. Во продолжение Ви претставуваме неколку факти кои ќе бидете зачудени, а се надеваме дека ќе ви бидат од корист за да ги промените вашите хигиенски навики.


Антибактерискиот сапун не е ефикасен колку што мислите. Тој во себе содржи хемикалија триклосан која докажано ги менува хормоните кај животните, а постои и сомнеж дека истото се случува и со луѓето. Оваа хемикалија се наоѓа во 75% од антибактериските сапуни, во некои средства за чистење и во пастата за заби. Научниците во Аризона откриле дека со перењето на вешот, во машината за перење може да се пренесат околу 100 милиони бактерии Ешерихија коли во водата и на следните тури за перење во машината.

Во тоалетот се наоѓаат околу 2 милиони бактерии на секои 6 см, а во мијалникот за садови и до 500 000 бактерии. Се смета дека мијалникот за садови е “понечист” од ВЦ шолјата. Со пуштањето вода во ВЦ шолјата фекалните материи почнуваат да се шират во воздухот. Доколку мијалникот во тоалетот е близу до ВЦ шолјата, секогаш постои голема веројатност четката за заби ако ја чувате на мијалникот да се прекрие со бактерии. Затоа четката за заби најдобро е да ја чувате во ормарче. Препорачливо е после миењето, рацете да се избришат со хартија, не со крпа. Хартијата побргу се суши и со тоа помала е веројатноста да се населат бактерии.


Доколку ја миете косата секој ден, ја остранувате нејзината природна маст поради што жлездите појачано работат за да го надополнат недостатокот. Доволно е да ја миете 2-3 пати неделно со благ шампон. На контактните леќи лесно се создаваат слоеви од бактерии, а миењето со вода од чешма само може да ја влоши нивната состојба. Исто така, ако користите ист раствор за леќи, постои можност на нив да се формираат цели колонии бактерии и да го зголемите ризикот од инфекција во окото.

-авторски текст , не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!