Спасете се од незгоди – медикаменти кои треба да ги понесете на одмор

Летото е пероид за уживање, одмор, релаксација и рекреација. Поголемиот дел од денот го поминувате на отворен простор. Но, без разлика каде се наоѓате:на планина, море или езеро треба да бидете внимателни, бидејќи “уживањето”може да биде нарушено од некоја непријатна ситуација.

Во моментот на паника можеби нема да сте во можност да претрчате до најблиската аптека.  Затоа , освен очилата за сонце, костумот за капење, крпата и неколку парчиња гардероба ви препорачуваме и медикаменти кои треба да ги понесете со себе кога сте на одмор или патување!

1. Не заборавајте со себе да ја понесете здравствената легитимација и здравственото осигурување од осигурителната компанија.

2. Доколку секојдневно земате медикаменти, задолжително понесете ги со себе и земајте ја пропишаната доза од терапијата редовно.

 

3. Понесете топломер!

4. Антипиретиците и аналгетиците ќе ви бидат од корист доколку имате висока температура, главоболка, забоболка и  други болки.

5. Понесете антихистаминик кој ќе го употребите доколку имате убоди од комарци или други инсекти или при алергија.

6. Раствор на рехидратациска сол кој ќе ви биде потребен при дијареа, повраќање и при преголемо потење предизвикано од висока температура.

7. Стерилните гази, завои, фластери и спреј најмногу ќе ви помогнат доколку се повредите или изгребете.

8. Заштитете се од сонцето:

Одбегнувајте да се “печете”на сонце во периодот помеѓу 11 и 17 часот кога УВ зрачењето е најсилно. Пред секое изложување на сонце задолжително врз кожата  нанесете  крем, масло или млеко за сончање со повисок заштитен фактор. А потоа, откако ќе се истуширате, на чистата кожа нанесете млеко или лосион за после сончање со што би ја заштитиле кожата од изгореници.

Доколку претерате со сончањто, на кожата нанесете гел или маст против изгореници.

Уживајте во летото и одморот и имајте само убави спомени 😉 Секое добро!

 

-авторски текст, не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!